La Regno de Nenie

La regno de Nenie nestas
sur la mara fundo. 
La reĝo Ĉiukaze estas,
Neniu, korteghundo.


Reĝino jen, Neniukaze,
je statur' pigmeas.
Per cigna kolo ŝi emfaze
ĉion kape neas.


Nesolahom', kortegmarŝalo, 
ventotrinkdiboĉas, 
en domo (ĉe Nenies stalo)
gruzodore loĝas.


Rezidas ankaŭ Olga Neplu 
ĉe Nesolahomo.
Ŝi ĉiam viŝas por ke eblu
puro en la domo.


Funebron ŝi kuiras ĝoje, 
ĝemojn ŝi altranĉas,
kaj en kastel' Neniufoje
jen Neniu manĝas.


La kat' Neniam tumultigas 
ĉe Nesolahomo. 
Neniun oni prikulpigas
nun je ĝia nomo.


Neniu nun pro ĉi afero,
punbatota estu! 
Nesolahomo! Al karcero!
Neplu! Domarestu!


La reĝo Ĉiukaze pie 
regas per humano,
kaj tial reĝon de Nenie
amas popolano.


Mi mem kutimis iri foje 
tien tiam kaj 
trapasis mi Neniufoje
iam dum la Maj'.


Nesolahom' post min rigardis 
kalme kaj trankvile
Neniu ueste oston gardis
dekstre ĉebarile.


La regno de Nenie nestas 
sur la mara fundo.
La reĝo Ĉiukaze estas,
Neniu, korteghundo.


        El la Germana
        tradukita de PEJNO Simono