La Nigraĵoj
La noktohora verŝejo estas nigra kiam ĝi pleniĝas je nigro - jen nur la vizaĝoj kiuj blankas k iliaj ŝuoj nigras k iliaj ĉemizoj nigras k butonumitaj ĉiam butonumitaj k konvinkvoĉe ili butonumas sin reciproke malvaste en siaj ĝinzo nigra k ledo nigra dum ili tamburetas per nigraj ungoj (ĵus farbitaj) por plia drinko en tiu interpunktita nigreco k jen ne kunveno funebrista sed la humoro nigras dum ili cirkuletas kaj gregiĝas nigre sub ekbriloj el ruĝo kaj blanko k bluo k verdo k viglas la verŝistino dum ili pagas strangajn prezojn por strangaj drinkoj dum ilia insekte nigra hararo ekstaras kaj balanciĝas laŭ ĝangala pulso k mi elpaŝas en la nigron kiun mi konas k komprenas. Ĝoĉjo GUDFELO 1989 el poemaro titolita "Bantkravato kaj basko". Tradukita de PEJNO Simono
Ĝoĉjo Gudfelo naskiĝis en Adelajdo en 1949, sed li ne ekskribis poezion ĝis en 1982. Lia unua poemaro "Senkolume, senmanume" aperas nun en kvara eldono. Ĝoĉjo vivtenas sin nur per la "kapricoj de poezio" kaj estas populara kaj meritplena artisto. Ekde 1984 li okazigas aŭtorajn staĝojn en lernejoj kaj altlernejoj, sed eble li estas pli konata pro sia laboro en malliberejoj. En 1998 li vojaĝis tra Kanado, Usono, Unuigita Regno, Eŭropo kaj Ĉinujo, legante verkojn kaj estrante staĝojn kaj seminariojn. Li dividis duoblan ensceniĝon kun Kenĵco Keseo en Eŭĝeno, Oregono.
Li ricevis la premion "The Cartlew Fellow" ĉe la Sud-Aŭstraliaj Festivalaj Premioj por Literaturo, Verkista Semajno 1988, kaj tra 1988/89 helpis evoluigi junajn aŭtorojn en la Sud-Aŭstralia Junulara Arta Konsilantaro.
Oni povas kontakti Ĝoĉjon Gudfelo pere de lia eldonisto ĉe:
S-ro Geoff Goodfellow
c/o Wakefield Press
43 Wakefield Street
Kent Town
Sud-Aŭstralio 5067
AŬSTRALIO
