Fakaj eventoj
de
de Amri Wandel
Aldone al la jam ekzistantaj multaj eroj jam raportitaj.
-
Internacia Kongresa Universitato - okazis sep prelegoj, el kiuj kvin
estas legeblaj en la TTT paĝo de la Adelaida UK, kaj aperis en la IKU
libro, kiu estis havebla en la kongreso, kaj plu haveblas de la libroservo
de UEA.
Faka forumo - partoprenis 15 -20 personoj, kiuj reprezentis dekon da Fakaj Asocioj (i.a. IFEF, UMEA, Monda Turismo, TEJA, SEL, ISAE, Amikaro Bruno Groening), kiuj faris mallongajn prezentaĵojn.
Gvidis UEA-estrarano pri faka agado, A. Wandel, kiu diskutis la rolon de UEA kaj ĝiajn servojn por la Fakaj Asocioj kaj elstarigis du temojn:
A - la rolon de FAj en la kampanjo 2000
B - la novan koncepton de fakaj eksteraj rilatoj - kontaktoj kun NROj kaj aliaj internaciaj organizaĵoj surbaze de komunaj fakaj interesoj kaj pri la lingva problemo.
Oni laŭdis la fakan agadon de UEA en la lasta tempo, kaj esprimis la peton havi pli da spacon en la revuo E-o, kaj pli da tempo por la Faka Forumo en Montpeliero.
Improvizita prelego de prof. Wandel pri la lastaj novaĵoj de la
spacmisio al Marso. Pli ol 50 aŭskultantoj plenŝtopis la etan salonon
por aŭskulti prelegon pri la spacmisio al Marso, el kiu venis la freŝaj
bildoj dum la kongreso.
La planitaj 15 minutoj transformiĝis al 45 pro la interesiĝo kaj la multaj demandoj de la aŭskultantoj.
Laŭ "Interredaktore"
